تقدم النائب المستقل مصطفى الجندى ببيان عاجل الى مجلس الشعب حول احداث التحرشات الجنسية بالطالبات فى جامعة المنصورة اثناء حفل تامر حسنى الذى احياه قبل ايام وشهد فضائح بالجملة
قال النائب لبرنامج 90 دقيقة : انا هاجمت ادارة الجامعة فى البيان لانها المسئولة والتى سمحت بازالة الحواجز بين البنات والاولاد فى حفل تامر حسنى ، وحفلات تامر حسنى احنا عارفين بيحصل فيها ايه
اضاف النائب : طالبت بمراعاة التنظيم بشكل جاد ودى حفلة فى جامعة لابد ان تكون بها ضوابط لان هناك ناس نعرضت للتحرش والضرب والاصابات وهناك وقائع ومحاضر تم تحريرها وهناك محاضر اخرى فى الطريق وهناك الكثير من الاهالى ذهبوا الى رئيس الجامعة للشكوى
تحدث تامر حسنى لبرنامج 90 دقيقة للرد على ما اثير خلال الايام الماضية عن حفله الذى اقيم بالمنصورة وقيل انه فشل ولم يغنى فيه اكثر من 5 دقائق ، بسبب رفع الحواجز بين الطلبة والطالبات اللواتى تعرضن للتحرش والمضايقات وتحول الحفل الى فوضى
قال تامر : اولا اللى بيتكلم باسم مدير اعمالى ده ماعرفش عنه حاجة ، ده مش مدير اعمالى ومنظم الحفل ومدير اعمالى لم يكن موجود ،وعربيات الاسعاف بتبقى موجودة فى اى حفلة للتامين
اضاف : لم يحدث تحرش لأن دى جامعة محترمة واذا كان فيه بعض المضايقات من الشباب للبنات فده يمكن بسبب الزحمة ،وانا عامل مشروع مشوار فى حب مصر وعائده كله للمساهمة فى مساعدة الطلبة الذين لايستطيعون دفع المصروفات ،واذا كان فيه سلبيات حصلت فأنا بشر مش ملاك
وعلق على كلام نائب مجلس الشعب قائلاً : هو عنده حق يقول بناتنا وولادنا وانا برضه باخاف على بناتنا وولادنا وانا حاولت اوقف الغناء لترتيب الناس لكن رئيس الجامعة عامل حسابه على 15 الف ،والحفلة اصبحت 100 الف
انا دايما باقول انى عايز امن للحفاظ على سلامة الناس وكان الامن موجود بالفعل ، لكنى فوجئت ان الملعب مليان والاستاد كله مليان ، أى قوة تقدر تسيطر على العدد ده ؟